Suluk Ki Manteb Soedharsono

Mangkya darajating praja

Kawuryan wus sonyaruri, O, O..

Rurah pangrehing ukara, O..

Karana tanpa palupi atilar susilastuti

Sarjana sujana kelu

Kalulun kalatidha tidhem tandhaning dumadi, O

Hartayengrat dening karoban rubeda, O, O..

Ratune ratu utama

Patihe patih linuwih

Pra nayaka tyas raharja, O..

Panekare becik becik

Parandene tan dadi, O

Paliyasing kalabendhu, O, O

Malah saya andadra

Rubeda kang ngreribeti, O..

Beda beda hardane wong sak negara, O..

Katetangi tangisira

Sira kang parameng kawi

Kawileting tyas dhuhkita ketaman ing reh wirangi

Dene ngupaya sandhi sumaruna hanarawung

Pangimur manuhara met pamrih melik pakolih

Temah sirna ing karsa tanpa weweka, O

Lir sadpadengsun kang tumiling

Mangulati puspita kang mèdem, O..

Endahe marni midering taman

Anon sekar warsigi, O..

Kumenyut ing tyas baya ta jatukrama, O..

Arum arum, O..

Lumrang kang sekar gadhung

Myang sri gadhing

Rerengganing taman sari, O..

Bremara ngingsep sarining

Mbrengengeng pindha pujining brahmana

Mangsah santi jaya-jaya, O

Siyang  pantara ratri,
Mung cipta pukulun, O,
Tan  nalywan kaeksi,
Mila katur kang cundhamanik,
Prasasat rageng,
Ulun kang sumembah,
Mungwing padanta prabu,
Myang kagunganta  singsim, O..
Saksat sampun prapti,
Katon asta pukulun,
Wulat ten narapati, O..
Rama dewaningsun, E..

Mulat mara sang Harjuna,
Esmu kamanungsanira,
Sawangnya gendreh memanis,
Liring edi kamantyan, O
Singa mulat lengleng brangta,
Singa mulat lengleng brangta, e..

Cancut gumregut tumanjing
Samudra tulya dreng
Wiraganya banyu sumaput wentis
Melek angganira sumingep nampeki
Migeg jangga kang warih

Sigra bala kang tumingal
Acampuh samya ngedali
Lir thathit wileting gada
Dhanywang gung manguncang niti
Benjang sang aji mijil
Lathinya ngedali wuwus
Trustha sura wilaga

Kaya buta singa wregil, O..

Pasthi jangga dhendhanya mangambak baya, E..

Ridhu mawur

Mangawur awur wurahan

Tengaraning ajurit

Gong maguru gangsa

Teteka ya putula

Wor panjriting turangga hesthi

Prekatak ingkang

Dwaja lelayu sebit

Gandane kang sekar gadhung
Kaworan kembang – kembang menur
Kongas esmu arum
Miwah oyod oyodan
Kadi kusuma mangambar ambar
Wor kukusing dupa kumelun kelun
Kadi mega kang memba bathara
Amenangi jaman edan
Ewuh aya ing pambudi
Melu ngedan ora tahan
Yen tan melu anglakoni
Boya kaduman melik
Kaliren wekasanipun
Dilalah kersa Allah
Beja bejane kang lali
Luwih beja kang eling lawan waspada, O

e..
Kresna digdayeng gelung
Mandelengaken cakranira, O..
Kumitir aneng asta, e..

Madya ratri wus kawuri
Hywang Candra purnama siddhi
Lintang araras kumenyar, O..
Hangrenggani antariksa, O..
Siler siler kang samirana, O..
Mbrengengeng si kumbang iku, O..
Antuk sejatining madu, O..


Dhedhep tidhem,
Prabawaning ratri,
Sasadara wus manjer kawuryan,
Tan kuciwa memanise,
Menggep srinateng dalu,
Siniwaka sanggya pra dasih,
Aglar neng cakrawala,
Winulat ngelangut,
Prandene paksa kabegan,
Saking kehing taranggana kang sumiwi,
Warata tanpa sela

Duka yayah sinipi
Jaja bang mawinga winga
Netra kocak ngondar ngandir
Wedananira mbranang
Pindha kembang wora wari bang, E..
Kasemeta mrang sagedheng mubal murub dahanane

Soroting pandam sumuluh
Amadhangi jroning pasareyan
Ngenani wadana remu remu kalingan ngangrangan
Sang dyah manahengkung sumungkem guling
Sang kakung ngrerepa
Alon wuwusira
Babo yayi eman eman, man eman eman
Piratenthik yayi ulun tadhah runtik
Ulun tadhah runtik,e..

Riris harda palwa nuting ranu
Dresing karsaningsun dening kanyut, O
Manis riringnira ingsun Gusti
Roning kamal mirah ingsun
Esemira dhuk ing nguni
Sidhat agunging narmada

Kagiri giri, O..
Gengya lir prabata
Abang kawelagar manguwuhing mungsuh haminta lawan
Anggro sru sringa manabda, O
Kadya yun hanubruka, E..

Semar eka den prayitna
Semunira ririh eka balik
Ditya ni gandayoni
Tri sonya purnama sasi
Gilar gilar semedi tengahing latar, e


Leng lenging driya mangu mangu mangun kung
Kandhuhan rimang lir lena tanpa kanin,
Yen tan tulusa amengku sang dyah utama, e..

Hywang Candra wus gumlewang
Ing imbanging cakrawala
Wayahe wus gagat enjing, O..
Rame swarane sota kukluruk sesauran, O..
Wetan soroting Haruna
Mega bang katon sumirat
Lir netraning angga rapuh
Sri Gunting ngoceh ambarung, E, O..

Jago kluruk rame kapyarsi
Lawa kalong luru pandhelikan, O..
Jrih kawananing semune
Wetan bang sulakipun, O..
Mratandhani yen bangun enjing
Rembulan wus gumlewang sak kuloning gunung
Ing padesan wiwit tebah
Lanang wadon sami angayahi kardi
Netepi kuwajiban, E..

Sasedyane tanpa dadya
Sak cipta cipta tan polih
Kang reraton raton rantas
Mrih luhur asor pinanggih
Bebendhu gung nekani kongas ing kanisthanipun
Wong agung nis gungira sudireng wirang jrih lalis, E..